Дэлхийн усны өдөр маргааш /2025.03.22/ тохионо. Эл өдрийг угтан “Мөстөл, мөсөн голыг хамгаалъя” уриатай “Цэнхэр алт” усны үндэсний II чуулганыг зохион байгууллаа.

Энэ үеэр Усны газраас “Монгол Улс уур амьсгалын өөрчлөлтөд дасан зохицоход усны нөөцийн нэгдсэн менежментийг хэрэгжүүлэхэд тулгамдсан асуудал, шийдвэрлэх арга зам” илтгэлийг хэлэлцүүлсэн юм.

Тус илтгэлд улсын хэмжээнд нэн тэргүүнд хамгаалах шаардлага үүссэн нуур, гол, булаг шандын жагсаалтыг гаргаж нийтэд танилцууллаа. Хамгаалах шаардлагатай 11 булаг шанд, баянбүрдийн жагсаалтыг хүргэж байна.

1. Дундговь аймгийн Адаацаг сумын Сүм хөх бүрд

2. Бумбатын рашаан

3. Улаан богочийн рашаан

4. Цэнхэрийн халуун рашаан

5. Шаргалжуут

6. Могодын халуун рашаан

7. Ханбогдын булаг, рашаан

8. Дамбадаржаагийн рашаан

9. Сүхбаатар аймгийн цавчирын рашаан

10. Мухар хужиртын рашаан

11. Хэнтий аймгийн Естийн рашаан

“Цэнхэр алт” усны үндэсний II чуулганыг Монгол Улсын Ерөнхийлөгчийн санаачилгаар Байгаль орчин, уур амьсгалын өөрчлөлтийн яам, Усны газар, Монгол Улсын Шинжлэх ухааны академитай хамтран зохион байгуулсан юм.