Өмнөговь аймгийн Ханхонгор сумын нутаг дэвсгэрт өнөөдөр хоёр цагийн зайтай 4.1, 5.3 магнитудын хүчтэй газар хөдөлжээ. Энэ тухай ШУА-ийн Одон орон, геофизикийн хүрээлэнгээс хөтөлдөг “Монгол орны хүчтэй газар хөдлөлт” цахим хуудаст мэдээлсэн байна. 

Тодруулбал, Ханхонгор сумын нутагт өнөөдөр 15 цаг 19 минут 50 секундэд 4.1 магнитудын хүчтэй газар хөдөлжээ. Үүнээс хоёр цаг гаруйн дараа буюу 17 цаг 33 минут 47 секундэд 5.3 магнитудын хүчтэй газар хөдөлсөн байна. Өмнөговь аймгийн Даланзадгад хотод амьдардаг зарим эх сурвалжаас тодруулахад “Газар хөдлөлтийн чичирхийлэл мэдрэгдсэн” гэлээ. 

Б.Лувсанпэрэнлэй