Дэлхийн усны өдөр маргааш /2025.03.22/ тохионо. Эл өдрийг угтан зохион байгуулж “Мөстөл, мөсөн голыг хамгаалъя” уриатай “Цэнхэр алт” усны үндэсний II чуулган Төрийн ордонд үргэлжилж байна.

Энэ үеэр Усны газраас “Монгол Улс уур амьсгалын өөрчлөлтөд дасан зохицоход усны нөөцийн нэгдсэн менежментийг хэрэгжүүлэхэд тулгамдсан асуудал, шийдвэрлэх арга зам” илтгэлийг хэлэлцүүлсэн юм.

Усны газрын дарга З.Батбаяр илтгэлийн хэлэлцүүлэх үеэр. Гэрэл зургийг П.Нарандэлгэр

Тус илтгэлд улсын хэмжээнд нэн тэргүүнд хамгаалах шаардлага үүссэн нуур, гол, булаг шандын жагсаалтыг гаргаж нийтэд танилцууллаа. Хамгаалах шаардлагатай 11 нуурын жагсаалтыг хүргэж байна.

1. Төв аймгийн Баянцогт сумын Жирмийн цагаан нуур

2. Өмнөговь аймгийн Мандал-Овоо сумын Улаан нуур

3. Баянхонгор аймгийн Богд сумын Орог нуур

4. Өвөрхангай аймгийн Баруунбаян-Улаан сумын Таацын цагаан нуур

5. Өвөрхангай аймгийн Хархорин сумын Хэлтгий цагаан нуур

6. Завхан аймгийн Эрдэнэхайрхан сумын Улаагчны хар нуур

7. Хэнтий аймгийн Биндэр сумын Цагаан нуур

8. Дорнод аймагт орших Яхь нуур

9. Хэнтий аймгийн Биндэр сумын Цагаан нуур

10. Төв аймгийн Мөнгөн морьт сумын Шорвог нуур

11. Өвөрхангай аймгийн Төгрөг сумын Хаяа нуур

“Цэнхэр алт” усны үндэсний II чуулганыг Монгол Улсын Ерөнхийлөгчийн санаачилгаар Байгаль орчин, уур амьсгалын өөрчлөлтийн яам, “Усны газар”, “Монгол Улсын Шинжлэх ухааны академи”-тай хамтран зохион байгуулж буй юм.