Монгол Улсын Ерөнхийлөгчийн санаачилгаар Байгаль орчин, уур амьсгалын өөрчлөлтийн яам, “Усны газар”, “Монгол Улсын Шинжлэх ухааны академи”-тай хамтран “Цэнхэр алт” усны үндэсний II чуулган өнөөдөр Төрийн ордонд болж байна. Чуулганыг   “Мөстөл, мөсөн голыг хамгаалъя” уриан дор зохион байгуулж байгаа юм. 

Өнөөдрийн чуулганаар:

-Уур амьсгалын өөрчлөлтөд дасан зохицон, усны хуримтлалыг бий болгох замаар экосистемийн тэнцвэрт байдлыг тогтвортой хадгалах, 

-Мөнх цас, мөсөн голын хайлалт, цэвдгийн өөрчлөлтийн судалгаа, эрдэм шинжилгээний ажлын үр дүн,

-Монгол оронд усны нөөцийн жигд хуваарилалтыг бий болгох, бүс нутгийн хэмжээнд ус ашиглалтын тэнцвэргүй байдлыг арилгахад чиглэгдсэн бодлогын хэрэгжилт,

-Байгалийн үнэт баялаг болох усны нөөцийг хамгаалах, зүй зохистой ашиглах хандлагыг улс орон даяар хэвшүүлэх зэрэг асуудлыг хэлэлцэх юм байна.

“Цэнхэр алт” усны үндэсний II чуулган болж байна.

“Цэнхэр алт” усны үндэсний II чуулган болж байна.

“Цэнхэр алт” үндэсний чуулганд төрийн болон олон улсын байгууллага, эрдэмтэн, судлаачид, салбарын мэргэжилтэн, албан хаагчид, хувийн хэвшлийн 1200 орчим төлөөлөгч оролцож байна.

Б.Лувсанпэрэнлэй