Монгол Улсын Ерөнхийлөгчийн ивээл дор улсын хэмжээнд “Эрүүл шүд–Эрүүл ирээдүй” үндэсний II зөвлөгөөн болж байна.

ДЭМБ-аас хийсэн судалгаагаар дэлхий нийтэд бага болон дунд орлоготой орнуудын өсвөр насныхны 5-10 хувь нь шүдээ ховор угаадаг эсвэл огт угаадаггүй гэсэн дүн гарчээ. Тэгвэл Монгол Улсад нийт суралцагчдын 6,5 хувь нь сүүлийн нэг сарын хугацаанд шүдээ огт угаагаагүй эсвэл өдөрт нэгээс цөөн удаа угаасан гэсэн судалгааны дүн ч мөн гарсан байна.

Эрүүл мэндийн сайд Т.Мөнхсайхан

2024 оны үр дүнгээр 0-17 насны гурван хүүхэд тутмын хоёр нь нэгээс дээш шүд цооролтой, шүд цоорох өвчний тархалт тухайн насны бүлэгт 77,4 хувьтай. Улсын хэмжээнд нийт 80 мянга гаруй хүүхдийг урьдчилан сэргийлэх үзлэгт хамруулснаас нийслэлийн хэмжээнд 40280 хүүхдээс 95,33 хувь нь шүдний өвчлөлтэй байжээ. Шүд цоорох өвчний тохиолдол 5-7 настай хүүхдэд хамгийн өндөр байгааг тухайн үзлэгээр илрүүлсэн байна.

Эрүүл мэндийн яам болон холбогдох байгууллагуудаас амны хөндийн өвчлөлийг бууруулахад чиглэсэн амны хөндийн эрүүл мэндийн бодлого, эрх зүйн орчныг сайжруулах, амны хөндийн эрүүл мэндийг дэмжих, эмгэгээс урьдчилан сэргийлэх зэрэг эрүүл мэндийн цогц арга хэмжээг үе шаттайгаар хэрэгжүүлж байна.

Ерөнхийлөгчийн Эрүүл мэнд, нийгмийн бодлогын зөвлөх Б.Бадамцэцэг