"Ноорог" медиагийн ажлын байранд нэгжлэг хийж, ажилчдыг нь цагдаагийн байгууллагын байршилд авч ирэн байцааж, мэдүүлэг авсан үйл явдал өчигдөр /2025.03.17-18-нд шилжих шөнө/ болсон. Уг асуудлыг ЦЕГ-ын ЭЦА-ны Кибер гэмт хэрэгтэй тэмцэх газраас шалгаж буй. 

Эл үйл явдал нь хэвлэлийн эрх чөлөө, хэвлэл мэдээллийн байгууллагын хэвлэн нийтлэх эрх чөлөө, үйл ажиллагаанд халдсан гэж үзэн зарим байгууллага албан ёсны мэдэгдэл гаргаад байна. 

Тухайлбал, Монголын сэтгүүлчдийн нэгдсэн эвлэл, Хэвлэл мэдээллийн зөвлөл, Хэвлэлийн хүрээлэн болон Глоб Интернэшнл төв, сэтгүүл зүйн инноваци хөгжлийн Үүр төв, Монголын залуучуудын холбоо, Энх тайвныг цогцлоох хүрээлэн, Тогтвортой хөгжлийн төлөөх сэтгүүлчдийн клубээс мэдэгдэл гаргажээ. Мөн Цогц хөгжлийн үндэсний төвөөс уриалга гаргаад байгаа юм.  

Б.Лувсанпэрэнлэй