Баянхонгор аймгийн Богд сумын Алтай гуравдугаар багийн “Хүрэн шавхын нуруу” гэдэг газарт гуравдугаар сарын 18-ны өдрийн 20 цаг 17 минут 12 секундэд  3.6 магнитудын хүчтэй газар хөдөлжээ. 

Сумын төвөөс баруун урд зүгт 39 километрийн зайд болсон гэж Одон орон, геофизикийн хүрээлэнгээс мэдээллээ. 

Нутгийн иргэдэд газар хөдлөлтийн чичирхийлэл сул мэдрэгдсэн бөгөөд ямар нэгэн хохирол учраагүй гэж Онцгой байдлын ерөнхий газраас мэдээлсэн. 

Мөн энэ сарын 17-ны өдөр тус сумын зэргэлдээ Баянговь суманд 3.5 магнитудын хүчтэй газар хөдлөл болсон. 

Б.Лувсанпэрэнлэй