Оюутан цэргийн анхан шатны бүртгэлийн хүсэлтийг энэ сарын 1-14-ний өдрийн 17:00 цаг хүртэл И-Монголиа системээр хүлээн авахаар хугацааг сунгасан байна. 

Засгийн газрын тогтоолоор батлагдсан журмын дагуу хүсэлт илгээж буй оюутнууд дараах шаардлагуудыг хангасан байх ёстой аж. Үүнд:

Монгол Улсын хэмжээнд үйл ажиллагаа явуулж буй магадлан итгэмжлэгдсэн их сургууль, коллежийн 1, 2, 3 дугаар дамжааны оюутан байх

Сурлагын голч дүн 2,8-аас дээш байх

2025 оны 06 дугаар сарын 15-ны өдрөөс өмнө 18 нас хүрсэн байх

Эрүүл мэндийн даатгал төлсөн байх зэрэг багтах юм байна. 

Оюутан цэргийн анхан шатны бүртгэлийн хүсэлтийг гуравдугаар сарын 11-17-ны өдрүүдэд Батлан хамгаалах яам шийдвэрлэж, хүсэлтийн хариуг и-мэйл хаяг болон И-Монголиа системээр хүргүүлэх аж. 

Оюутан цэргийн анхан шатны бүртгэлийн талаар мэдээлэл авах болон хүсэлтийн хариутай холбоотой асуудлыг Батлан хамгаалах яамны 1800-1144 болон “Боловсролын мэдээллийн технологийн төв”-ийн 75772727 утсаар тодруулах боломжтой гэлээ. 

Б.Лувсанпэрэнлэй