Open AI компанийн зүгээс Элон Маск тэргүүтэй хөрөнгө оруулагчдын гаргасан худалдан авах саналыг албан ёсоор няцаасныг Asahi мэдээллээ.

Тодруулбал, энэ сарын 10-нд Open AI-ийг 97.4 тэрбум ам.доллараар худалдан авах саналыг Элон Маск тэргүүтэй хөрөнгө оруулагчид гаргасан байна.

Харин Open AI-ийн гүйцэтгэх захирал Альтман уг саналаас тэр даруй татгалзаж,

“Хэрэв хүсвэл бид хуучин Твиттер компанийг 9.74 тэрбум ам.доллараар худалдаж авъя”

хэмээн хөрөнгө оруулагчдын өөрийнх нь компанийг үнэлсэн үнээс 10 дахин бага үнэ хэлснээр хоёр талын маргаан үргэлжилж байгаа гэнэ. 

“Open AI бол худалдах зүйл биш, өрсөлдөгч компаниудад үймээн тарих гэсэн Маскын оролдлогыг бид санал нэгтэйгээр няцаалаа” хэмээн Альтман албан ёсны мэдэгдэл хийжээ.