Хөгжлийн бэрхшээлтэй иргэдэд аймаг, сумын номын санд ном унших, гэрийн номын сангийн үйлчилгээ үзүүлэх “Хил хязгааргүй номын ертөнцөөр бэрхшээлгүй аялцгаая” аяныг Баянхонгор аймгийн хэмжээнд өнөөдрөөс эхлэн гуравдугаар сарын 17-ныг хүртэл хэрэгжүүлэхээр болжээ. 

Баянхонгор аймгийн нийтийн номын сангаас зарласан тус аяны хүрээнд сонсголын бэрхшээлтэй иргэдэд дохионы хэлний хэлмэрчээр дамжуулж ойлгуулах, харааны бэрхшээлтэй иргэдэд брайл үсгээр уншуулах, брайл үсэг мэдэхгүй уншигчдад чанга уншлагаар уншиж ойлгосноо  ярилцах зэрэг боломжийг бүрдүүлж байгаа аж. 

Сарын хугацаанд үргэлжлэх аян нь хувь хүний хөгжлийг дэмжих, номоор дамжуулан нийгмийн амьдралд эерэг хандлагаар бэрхшээлгүй амьдрах итгэл үнэмшлийг төлөвшүүлэх зорилготой юм байна. 

Б.Лувсанпэрэнлэй