Цагаан сарын баярын өдрүүдээр менингококкт халдварын дэгдэлтийн оргил үе таарч байна. Тиймээс баярын бэлтгэл хийх, тэмдэглэн өнгөрүүлэхдээ дараах зөвлөмжийн дагуу урьдчилан сэргийлэхийг эрүүл мэндийн байгууллагаас уриаллаа. 

• Олон хүн цугларсан газарт аль болох бага насны хүүхдийг дагуулж явахгүй байх
• Золгохдоо бага насны хүүхдийг үнсэхгүй байх
• Амны хаалт зүүж, гараа халдваргүйжүүлэх 
• Ам, хоолойг давс, нимбэг, сода, саримсны уусмалаар ээлжлэн зайлах
• Гэртээ агаар сэлгэлт сайтар хийхийг зөвлөж байна.  

Менингококкт халдвар үүсгэгч нянгийн үржих таатай температур нь 36-37 хэмийн дулаан, чийгтэй орчин бөгөөд өвчилсөн хүн, хамар, залгиурын үрэвсэлтэй хүн, нян тээгчээс агаар дуслын замаар тархдаг юм байна. Ихэвчлэн сургуулийн өмнөх насны хүүхэд болон дархлаа султай хүмүүс өвчлөх эрсдэлтэй байдаг аж. 

Судалгаанаас үзвэл манай улсад менингококкт халдвараар өвчилсөн хүмүүсийн 84 хувь нь 0-14 насны хүүхдүүд байна гэж Эрүүл мэндийн яамнаас мэдээллээ.

Менингококкт халдвар үүсгэгч нянгийн үржих таатай температур нь 36-37 хэмийн дулаан байдаг.

Б.Лувсанпэрэнлэй