Хүүхдийн аюулгүй байдал, орчны эрүүл ахуйн шаардлага хангахгүйгээр эрхийг нь ноцтой зөрчсөн гэж эцэг эхчүүдийн төлөөлөл мэдээлж байна.
Монголын тэшүүрийн холбооноос 2025 оны хоёрдугаар сарын 8, 9-ны өдрүүдэд Хандгайтын мөсөн гулгуурын талбайд Улаанбаатар хотын болон Улсын аварга шалгаруулах тэмцээнийг зохион байгуулахдаа хүүхдийн аюулгүй байдал, эрүүл ахуйн шаардлага хангахгүйгээр эрхийг нь ноцтой зөрчсөн гэж эцэг эхчүүдийн төлөөлөл мэдээлж байна.
Тодруулбал, мөсөн гулгуурын талбайн уралдааны замыг стандартын дагуу бэлтгээгүй, мөсний түвшин нэг тал руугаа уруу, хамгаалалтын дотор талын тойрог бүхэлдээ 50-80 см өргөнтэй дагтаршсан, мөстсөн хатуу цастай байсан нь тамирчид унаж, бэртэл гэмтэл авах нөхцөл бүрдсэн гэж мэдээллээ. Тэмцээний үеэр нэг хүүхэд хавиргандаа бэртэл авч, олон хүүхэд унаж гэмтэл авсан байна.
Талбайн дотор талын тойрог бүхэлдээ 50-80 см өргөнтэй дагтаршсан, мөстсөн хатуу цастай байсан нь тамирчид унаж, бэртэл гэмтэл авах нөхцөл бүрдсэн.
Мөн хүүхдүүд эрүүл ахуйн хүнд нөхцөл байдалд тэмцээнд оролцсон гэдгийг хэлж байна. Тэмцээн зохион байгуулагчид уралдаанд оролцогч хүүхдүүдийг бохир заваан контейнер дотор хувцсыг нь солиулж, зохион байгуулалт муутай, эрүүл ахуйн шаардлага хангахгүй бохир жорлонд бие засахаас өөр аргагүй байсан гэдгийг тэмцээнд оролцсон хүүхдүүд батлан хэлж, зураг дүрсээр баримтжуулсан байна. Энэ нь хүүхдүүдийн эрүүл мэндэд сөрөг нөлөө үзүүлэхээс гадна, хүүхдийн эрүүл мэндийг ноцтойгоор зөрчсөн үйлдэл гэж үзэж буйгаа эцэг эхчүүдийн зүгээс илэрхийлж байгаа юм.
Хувцас солих өрөө
Бие засах газар
Иймээс хүүхдийн эрхийг хамгаалах байгууллагууд болон Биеийн тамир спортын улсын хороо, Монголын тэшүүрийн холбоо энэ асуудлыг шуурхай авч хэлэлцэх шаардлагатай байна гэж мэдээлсэн. Тамирчин хүүхдүүдийн эцэг эхчүүдийн зүгээс дараах шаардлагыг тавьж байна.
Эцэг эхчүүдийн зүгээс зохион байгуулагчдад зүй ёсоор шаардлага тавьсан ч хүлээж аваагүй нь мэдээллийг олон нийтэд цацахаас өөр аргагүй байдад хүргэсэн гэдгийг онцолж байна.
