02 сарын 14, 2025
Э.Цэндбаатартай тулалдах Педро Бернал Родригес гэж хэн бэ?
Э.Цэндбаатартай тулалдах Педро Бернал Родригес гэж хэн бэ?

Мэргэжлийн боксын “WBA” холбооны Төв Азийн аваргын бүсний төлөөх “Night of Champions, Ulaanbaatar-2025” тэмцээн “Aса Арена”-д энэ сарын 15-нд болно. 

Энэ тэмцээний оргил тулааныг Монгол Улсын Гавьяат тамирчин Э.Цэндбаатар “WBA” холбооны аваргын бүсээ хамгаалж, Мексик улсын Педро Берналтай хийх юм.  

Тэгвэл Э.Цэндбаатартай тулалдах Педро Бернал Родригес гэж хэн бэ?

  1. Педро Бернал Родригес нь Мексик улсад төрсөн, зургаан настайгаасаа эхэлж мэргэжлийн боксоор хичээллэж эхэлсэн.
  2. WBC холбооны хөнгөн жингийн залуучуудын Дэлxийн аварга.
  3. Мэргэжлийн боксд  нийт 17 тулаан хийж 14 ялж, нэг ялагдаж, хоёр тэнцсэн амжилттай. Зургаан тулаандаа хүнд цохилтоор өрсөлдөгчөө буулган авсан үзүүлэлттэй.
  4. Мексикийн чансаанд 11-т, Дэлxийн чансаанд 58-т эрэмбэлэгдэж байгаа тамирчин юм. 

Тэдний ялсан нь мэргэжлийн боксын “WBA” холбооны аваргын бүсний эзэн болно. 

Б.Лувсанпэрэнлэй