“FIBA Asia Cup 2025 Qualifiers” тэмцээний хамгийн сүүлийн чухал хоёр тоглолтоо энэ сарын 20, 23-ны өдрүүдэд хийх Монгол улсын сагсан бөмбөгийн шигшээ баг өргөтгөсөн бүрэлдэхүүнээ танилцууллаа.

Грек мэргэжилтэн Фракиас Василиос 18 тамирчныг шигшээ багт дуудсан байна. Багийн гишүүд: 

1. Ш.Энхийн-ОД
2. Д.Баясгалан
3. Э.Сугар-Очир
4. Г.Дөлгөөн
5. О.Энхбаатар
6. Ч.Тэмүүлэн
7. Б.Барсболд
8. А.Азбаяр
9. Б.Билгүүн
10. Ч.Ихбаяр
11. О.Эрдэнэцогт
12. Г.Балжинням
13. Б.Энх-Амар
14. Ч.Маргад
15. Т.Ууганбаяр
16. Э.Саруул-Эрдэнэ
17. Э.Энхбаясгалан
18. Г.Болор-Эрдэнэ 

 Дээрх тамирчдаас Ш.Энхийн-Одоос бусад нь шигшээ багтаа тоглох бүрэн боломжтой. Г.Дөлгөөн, Э.Сугар-Очир нар эх орондоо ирсэн бол Д.Баясгалан удахгүй ирнэ гэдгээ мэдэгджээ.

Монголын сагсан бөмбөгийн шигшээ баг энэ оны ААШТ-д оролцох эсэхээ шийдэх  эхний тоглолттоо энэ сарын 20-нд Гуамын талбайд хийх бол 23-нд Улаанбаатар хотноо Япон улсын шигшээ багийг хүлээн авах юм. Одоогоор “С” хэсгийг Япон найман оноогоор  тэргүүлж, Хятад долоон оноогоор удаалж байгаа. Харин Гуам 5, Монгол 4 оноотой байна. Хэрэв Монгол Гуамыг талбайд нь хожвол хоёр баг хоёулаа ижил зургаан оноотой болно. Тиймээс удахгүй болох тоглолтын үр дүн шууд нөлөөлөх юм. 

Б.Туяамарал