Нийтийн тээврийн үнэд өөрчлөлт орж иргэд 1000 төгрөг төлж хугацаа хамаарахгүй өдөрт дөрвөн удаа зорчих болсныг нийслэлийн Нийтийн тээврийн газраас мэдээлсэн. Харин нэг өдөрт дөрвөөс дээш удаа автобусаар үйлчлүүлэх бол дахин 1000 төгрөгөөр картаа цэнэглэх шаардлагатай.

Энэхүү үнийн өөрчлөлт оюутнуудад ч хамаарч байгаа юм. Учир нь Боловсролын тухай хуульд өөрчлөлт оруулах үеэр оюутнуудын хөнгөлөлттэй зорчдог зохицуулалтыг хүчингүй болгожээ. Ингэснээр нэг сард 44 удаа үнэгүй зорчдог байснаа больж дээрх өөрчлөлтийн дагуу зорчино гэсэн үг.

Нийтийн тээврийн үнийн өөрчлөлт нь ахмад настан, хөгжлийн бэрхшээлтэй иргэдэд хамаарахгүй. Хүүхдүүд 200 төгрөгөөр зорчих юм байна.

Энэхүү шинэчлэгдсэн үнэ өчигдрөөс эхлэн хэрэгжих байсан ч программ хөгжүүлэлтийн ажил дуусаагүй учир хуучин үнээр буюу 500 төгрөгөөр үйлчилж байгаа аж.

Б.Лувсанпэрэнлэй