Зул сарын баяр. Жил бүрийн 12 дугаар сарын 25-ны өдөр дэлхийн даяар христийн шашинтнууд “Христийн мэндэлсний өдөр” /Christmas day/-ийн баярыг тэмдэглэдэг. Энэ баяртай холбоотой 10 баримтыг хүргэж байна.

1. Христийн мэндэлсний баяр нь эртний Ромчуудын гэр орноо мөнх ногоон ургамлаар чимэглэж, баярын бэлэг солилцдог уламжлалаас эхлээд маш олон соёл, шашин, шүтлэгийн зан үйлийг агуулсан байдаг.

2. Хэдийгээр 12 дугаар сарын 25-ныг “Христийн мэндэлсний баяр” гэж үзэн тэмдэглэдэг ч Библид огт дурдаагүй байдаг. Зарим түүхчид Есүсийг өвөл биш хавар төрсөн гэж үзэх нь ч бий. Манай эриний 336 дугаар он хүртэл Зул сарын баярыг энэ өдөр тэмдэглэдэггүй байжээ.

3. Зөвхөн АНУ-д гэхэд жил бүр гурван тэрбум хүн Зул сарын баярын мэндчилгээ илгээдэг байна.

4. АНУ-д 1850 оноос хойш гацуур мод худалдаалж эхэлжээ.

5. Зул сарын баярт зориулсан гацуур модыг ургуулахын тулд дунджаар 15 жил зарцуулдаг бөгөөд энэ хэмжээгээрээ уламжлал соёлынхоо үнэ цэнийг илэрхийлж байдаг аж.

6. Америкийн хөгжмийн зохиолч Ирвинг Берлиний “White Christmas” бүх цаг үеийн хамгийн их борлуулалттай цомог ажээ. Дэлхий даяар 100 гаруй сая худалдаалагджээ.

7. БНСУ-д Зул сарын баярын үеэр гоёмсог, чимэглэлтэй дугтуйнд мөнгө хийж бэлэглэдэг нийтлэг уламжлал байдаг.

8. Ирланд улсад Зул сарын маргааш буюу 12 дугаар сарын 26-ны өдрийг эртний уламжлалын дагуу “Гэгээн Степаны өдөр” гэж нэрлэн тэмдэглэдэг бөгөөд 1871 оноос бүх нийтийн амралтын өдөр болгосон байдаг. Эл өдрийг хуучин цагт “Врен өдөр” гэж тэмдэглэдэг байжээ.

9. Дэлхий даяар Зул сарын баярын 12 хоног /12 дугаар сарын 25 – нэгдүгээр сарын 6/-т тардаг бэлгүүд жилийн 364 өдөрт хүмүүсийн бие биедээ өгдөг бэлгийн хэмжээтэй тэнцэнэ гэжээ.

10. Хүмүүсийн сайн мэдэх "Jingle Bells" нь анх Талархлын баярын дуу байжээ. Жеймс Лорд Пиерпонт 1850 онд сүмийнхээ Талархлын баярын концертод зориулж "The One Horse Open Sleigh" нэртэй дуу бичсэн нь 1857 онд нийтэд түгж өнөөг хүртэл Зул сарын баярын хамгийн алдартай дуунуудын нэг хэвээр байна.