Уур амьсгал, гамшгийн эрсдэлийг бууруулах, дасан зохицох үйл ажиллагааг хэрэгжүүлэхэд хэвлэл мэдээллийн байгууллагын сэтгүүлчдийн оролцоог нэмэгдүүлэх, 2026 онд Монгол Улсад зохион байгуулагдах СОР-17 хуралдааны талаар сэтгүүлчдэд мэдээлэл өгөх, мэргэшсэн сэтгүүлчдийг бэлтгэхээр цуврал сургалт төлөвлөжээ. Үүний эхний сургалт өнгөрсөн бямба гарагт болж 20 гаруй хэвлэл мэдээллийн байгууллагын сэтгүүлч оролцлоо.

“Мэргэшиж мэдээлье” сургалтаар сэтгүүлчдэд энэ чиглэлд төрөөс баримталж буй бодлого, үйл ажиллагааны чиглэл, уур амьсгалын өөрчлөлтийн талаар болон монгол оронд үзүүлж буй нөлөөлөл, “Даян дэлхийн ногоон хөгжил байгууллага”-аас үндэсний хэмжээнд явуулсан уур амьсгалын өөрчлөлтийн судалгааны үр дүн болон цөлжилтийн тухай мэдээлэл, мэдлэг, шинэ ойлголтуудыг хүргэв.

Сургалтыг Байгаль орчин, уур амьсгалын өөрчлөлтийн яам, Даян дэлхийн ногоон хөгжлийн байгууллага /GGGI/ болон “Mongoliapress” мэдээллийн агентлаг хамтран зохион байгуулсан юм.