Сүүлийн өдрүүдэд дэлхий даяар олон нийтийн сүлжээ хэрэглэгчдийн дунд хиймэл оюунаар хувиргасан “Ghibli” студийн хүүхэлдэйн зураг тренд болоод байгаа билээ. Тэгвэл “Studio Ghibli”-н тухай таван баримтыг хүргэе.

1. Японы алдартай хүүхэлдэйн киноны студи “Жибли”-г 1985 онд хүүхэлдэйн киноны найруулагч Миязаки Хаяао, Такахата Исао, продюсер Сүзүки Тошио нар хамтран үүсгэн байгуулжээ. Киноны өндөр чанар, уран бүтээлчдээрээ алдартай.

2. Тэдний уран сайхны кинонууд шүүмжлэгчид болон олны талархлыг хүлээсэн бөгөөд бусад хүүхэлдэйн киноны студийн өсөлт хөгжилд нөлөөлсөн гэж судлаачид үздэг байна.

3. Жибли студийн хийсэн “Сүнснээс холдсон нь” хамгийн алдартай уран бүтээл нь бөгөөд 2002 оны Берлиний олон улсын кино наадмаас Алтан баавгай шагнал хүртэж байсан. Мөн 2003 онд Академи авардсаас шилдэг хүүхэлдэйн кино номинацид шалгарч байсан билээ.

4. Хэдэн өдрөөс өмнөөс эхлэн зарим хэвлэл мэдээллийн хэрэгсэл болон олон нийтийн сүлжээнд Жибли студийг үүсгэн байгуулагч Миязаки Хаяаогийн хиймэл оюуны тухай ярьж буй видео нийтлэгдэж байна. Энэ нь түүний хэдэн жилийн өмнө хэсэг хүүхэлдэйн киног бүтээгч болон дизайнер "Жибли студи"-н продюсер Тошио Сүзүки, Миязаки нарт дүрсийг хөдөлгөж чаддаг хиймэл оюунтай машин бүтээснээ танилцуулж буй бичлэг ажээ. Үүнтэй танилцсан Миязаки тус бичлэгт 

   “Би үүнийг үнэхээр зэвүүцэж байна. Хэрэв та нар аймшигтай зүйл бүтээхийг хүсэж байвал үүнийг хийж болно. Би өөрийн ажилдаа хиймэл оюуныг ашиглахыг, оруулахыг хэзээ ч хүсэхгүй. Энэ бол амьдралыг доромжилж буй хэрэг гэж мэдэрч байна”

   зэргээр байр суурь илэрхийлж байжээ. Энэхүү бичлэгийг хүмүүс зургаа “жибли”-д хувиргаж эхэлсэн саяхны цаг үетэй давхцуулан мэдээллийн урсгал дунд гаргаж ирсэн байна. Өөрөөр хэлбэл тэрбээр урлагт хиймэл оюун ухаан ашиглахыг зөвшөөрдөггүй нэгэн ажээ.

5. Америкийн хиймэл оюун ухааны судалгааны байгууллага болох OpenAI-аас Жибли студийн хэв маягийг дуурайх чадвартай дүрс үүсгэгчийг гаргасан нь уран бүтээлч, бүтээгчдийн дунд оюуны өмч, өмчлөлийн тухай мэтгэлцээн болон санаа зовнил үүсгэж байгааг барууны орны зарим хэвлэл бичжээ. 

Эх сурвалж: britannica, ndtv, ghiblicollection